ប្រភពពី CEN
រួមរ័ក្សដោយព្រមព្រៀងគ្នាក្នុងតម្លៃ១០ម៉ឺនរៀល ពេលចាយលុយអស់ប្តឹងសមត្ថកិច្ចទារលុយថែម
ខេត្តកំពង់ឆ្នាំង: ភាគីខាងបុរសនិយាយថាខ្លួននិងស្ត្រីម្នាក់ បានស្ម័គ្រចិត្តរួមរ័ក្សគ្នា បានសម្រេចរហូតដល់ទៅបីដងក្នុង១យប់ ដោយបានព្រមព្រៀងគ្នាក្នុងតម្លៃ១០ម៉ឺនរៀល ប៉ុន្តែនៅពេលដែលខាងស្រីចាយលុយអស់ ក៏បានទៅប្តឹងសមត្ថកិច្ចដោយទាមទារយកលុយចំនួន១លានរៀលបន្ថែមទៀត។
ដោយសារតែខាងប្រុសគ្មានលុយអោយ សមត្ថកិច្ចបានកសាងសំណុំរឿង បញ្ជូនមកកាន់តុលាកាសាលាដំបូងខេត្តកំពង់ឆ្នាំង កាលពីថ្ងៃទី២៣ ខែមេសា ឆ្នាំ២០១៤ ដើម្បីចាត់ការបន្តទៅតាមនីតិវិធី ។
បុរសដែលត្រូវចាប់ខ្លួន ឈ្មោះស៊ឹម ពៅ អាយុ២៦ឆ្នាំ មានប្រពន្ធ និង មានកូន២នាក់ នៅក្នុងបន្ទុក មានទីលំនៅ ក្នុងភូមិអូរសណ្តាន់ ឃុំទឹក ហូត ស្រុករលាប្អៀរ ខេត្តកំពង់ឆ្នាំង ។ រីឯដើមបណ្តឹងជាស្ត្រីមេម៉ាយកូន១ និងមានទីលំនៅក្នុងភូមិឃុំជាមួយគ្នា ។
បុរសឈ្មោះស៊ឹម ពៅបានបញ្ជាក់ប្រាប់សមត្ថកិច្ចថា កាលពីយប់ថ្ងៃទី១៩ ខែមេសា ឆ្នាំ២០១៤ រូបគេបានទៅលេងរាំវង់ នៅក្នុងភូមិព្រៃខ្មែរ ឃុំរលាប្អៀរ ស្រុករលាប្អៀរ និង បានជួបស្ត្រីមេម៉ាយកូនមួយនោះ ពេលចូលទៅបត់ជើងក្នុងព្រៃក្បែជើងទំនប់ ហើយក៏និយាយត្រូវដងត្រូវផ្លែគ្នារួមរ័ក្សបានចំនួន២ដង ។ ក្រោពីពិធីរាំវង់ចប់រូបគេក៏ឌុបនាងទៅផ្ទះ ហើយនៅពេលធ្វើដំណើរដល់ស្ពានអូរសណ្តាន់ ក៏រួមរ័ក្សគ្នាបានសម្រេចម្តងទៀត ដោយព្រមព្រៀងគ្នា ក្នុងតម្លៃ១០ម៉ឺនរៀល ។
បុរសរូបនេះបានអោយដឹងទៀតថា នៅពេលរួមរ័ក្សម្តងៗគ្មានអ្នកណាបង្ខំអ្នកណាទេ ពីព្រោះរូបគេក៏ស្រវឹង នាងក៏ស្រវឹង ។ ក្រោយពីឌុបនាងទៅដាក់នៅផ្ទះ ហើយខាងប្រុសបានអោយលុយចំនួន១ម៉ឺនរៀល លុះព្រឹកឡើង រូបគេបានយកលុយចំនួន៩ម៉ឺនរៀលទៀត ទៅអោយបង្គ្រប់ តាមការព្រមព្រៀងកាលពីយប់ ។ប៉ុន្តែ នៅថ្ងៃទី២១ ខែមេសា ក្រោយពីនាងចាយលុយចំនួន១០ម៉ឺនរៀលនោះអស់ ក៏បានទៅប្តឹងនគរបាលមូលដ្ឋាន ទាមទារលុយចំនួន១លានរៀលបន្ថែមទៀត តែគាត់គ្មានលុយអោយក៏ត្រូវបានគេបញ្ជូនបន្តមកកាន់ស្នងការដ្ឋាននគរបាលខេត្តកំពង់ឆ្នាំងតែម្តង ។
បុរសខាងលើបានអោយដឹងទៀតថា នៅពេលមកដល់ស្នងការដ្ឋាននគរបាលខេត្ត ស្ត្រីមេម៉ាយនោះបានទាមទារឡើងថ្លៃរហូតទៅដល់៣លានរៀល ដោយសារតែគ្មានលុយ នគរបាល បានកសាងសំណុំរឿងបញ្ជូនរូបគេមកកាន់តុលាកាតែម្តង ។
នៅចំពោះមុខអ្នកសារព័ត៌មាន បុរសរូបនេះ បានសំណូមពរអោយតុលាកាមេត្តាផ្តល់យុត្តិធម៌ដល់រូបគាត់ផង ពីព្រោះករណីនេះ គាត់មិន បានបង្ខិតបង្ខំខាងស្រីទេ គឺជាការព្រមព្រៀងគ្នា៕T/c
