ក្រុមអ្នកជួយសង្គ្រោះនៅតែជំរុញការរុករកបន្ថែមទៀត ដែលឈានចូលមកដល់ថ្ងៃទី៩នេះ ខណៈអ្នកដំណើរ ១៤៣នាក់ផ្សេងទៀតនៅបន្តបាត់ខ្លួន និង១៧៤នាក់ផ្សេងទៀតត្រូវបានជួយសង្គ្រោះ។ ចំនួនមនុស្សស្លាប់ត្រូវគេរំពឹងថា នឹងមានការកើនឡើង ស្របពេលចំនួនអ្នកបាត់ខ្លួននៅមានចំនួនច្រើននៅឡើយ។ សូមបញ្ជាក់ថា សាឡង់ដឹកអ្នកដំណើរដែលមានចំណុះ៦.៨២៥តោនខាងលើបានលិចកាលពីថ្ងៃទី១៦ខែមេសាកន្លងទៅនេះ ពេលកំពុងធ្វើដំណើរឆ្ពោះទៅកាន់កាន់កោះទេសចរណ៍ Jeju ដ៏មានប្រជាប្រិយភាពរបស់ខ្លួននាភាគខាងត្បូងប្រទេស អមមួយនឹងអ្នកដំណើរភាគច្រើនជាសិស្សសាលាសរុប៤៧៥នាក់៕
