ក្មេងស្រីម្នាក់ត្រូវប្រដាប់មួលខ្ចៅដោតជាប់មុខយ៉ាងសាហាវ
នេះគឺជាហេតុការណ៍ដ៏រន្ធត់មួយដែលក្មេងស្រីជនជាតិចិនម្នាក់ត្រូវប្រដាប់មួលខ្ចៅដោតជាប់មុខយ៉ាងសាហាវ ហើយទៅមន្ទីរពេទ្យចំនួន៣កន្លែងទើបអាចព្យាបាលបាន។ ក្មេងស្រីដ៏គួរអោយអាណិតម្នាក់នេះមានឈ្មោះ Jiali មកពីទីក្រុង Tianshui ខេត្ត Gansu ប្រទេសចិន ហើយមូលហេតុដែលបណ្តាល អោយក្មេងស្រីនេះមានរបួសបែបនេះគឺដោយសារតែនាងបានរត់ដួលលើកន្លែងដាក់សំភារៈប្រើប្រាស់ក្នុងផ្ទះ ហើយមុខរបស់នាងក៏ទៅបុកនឹងប្រដាប់មួលខ្ចៅទើបបណ្តាលអោយចាក់ចូលតាមច្រមុះជាប់តែ ម្តង។ ក្រោយពីបានជួបហេតុការណ៍នេះ ក្មេងស្រីនេះត្រូវបានបញ្ចូនទៅមន្ទីរពេទ្យដើម្បីថត X-ray និង ព្យាបាល។ ប្រដាប់មួលខ្ចៅនេះបានចាក់ចូលទៅជិតនឹងខួរក្បាល ដូច្នេះគ្រូពេទ្យមិនប្រាកដថាអាចដក វាចេញបានទេ ព្រោះប្រដាប់មួលខ្ចៅនេះវានៅជិតខួរក្បាលពេក ទើបក្រុមគ្រូពេទ្យទាំងនោះមិនហ៊ានដក ដូច្នេះហើយក្មេងស្រីនេះត្រូវបានបញ្ចូនទៅមន្ទីរពេទ្យមួយទៀត តែគ្រូពេទ្យនៅមន្ទីរពេទ្យនោះ មិនហ៊ានធ្វើការដកប្រដាប់មួលខ្ចៅនោះដូចគ្នា។ ទើបទៅដល់មន្ទីរពេទ្យទី៣ទើបលោកគ្រូពេទ្យ Yu Qin អាចដកវាចេញបាន ហើយលោកគ្រូពេទ្យ Yu Qin បាននិយាយទៀតថា នៅសល់តែប្រវែង 2 ទៅ 3mm ទៀតប៉ុណ្ណោះនឹងប៉ះពាល់ដល់ខួរក្បាល។
