ជនសង្ស័យមានឈ្មោះ ឆន ណាន ភេទប្រុស អាយុ ៣៦ឆ្នាំ ត្រូវកម្លាំងប៉ុស្ដិ៍រដ្ឋបាល ឃុំព្រះធាតុ ស្រុកអូររាំងឪ ឃាត់ខ្លួននៅព្រឹកថ្ងៃទី២១ ខែមេសា ឆ្នាំ២០១៤។ មុនពេលកើតហេតុ ជនសង្ស័យ បានទៅហូបការក្នុងភូមិ ស្រវឹងធ្លាក់ភ្នែក រហូតដល់ម៉ោង ១១យប់ ទើបត្រលប់មកផ្ទះវិញ ហើយបានសសៀរៗ បម្រុងទៅរួមរ័កជាមួយប្រពន្ធ ប៉ុន្ដែប្រពន្ធមិនឱ្យ។ លុះពេលយប់ស្ងាត់ឪពុករូបនេះ បានចាប់កូនស្រីមិនគ្រប់ទឹក ឈ្មោះ ណ.រ.ច.ន រំលោភសេពសន្ថវៈ រហូតបានសម្រេច តាមចំណង់តណ្ហារបស់ខ្លួន ។
លុះដល់ម៉ោង១១ ព្រឹកថ្ងៃទី២១ ខែមេសា ឆ្នាំ២០១៤ ស្ដ្រីជាម្ដាយ បានប្ដឹងសមត្ថកិច្ច ឲ្យឃាត់ខ្លួនបុរសជាប្តី។ យ៉ាងណាក៏ដោយ ជនសង្ស័យបានបដិសេធថា ខ្លួនមិនបានចាប់រំលោភកូនស្រីបង្កើត មិនគ្រប់ទឹកនោះទេ ហើយករណីនេះ នៅមិនទាន់ប្រាកដថា ជនសង្ស័យបានចាប់រំលោភកូនស្រីឡើយ ដោយគេសង្ស័យថា ប្រពន្ធជនសង្ស័យមានបំណង មួលបង្កាច់ប្ដី ខណៈគេដឹងថាប្រពន្ធ ចង់បែកផ្លូវជាមួយនឹងប្ដី ។ អ្នកស្រុកបាននិយាយថា ប្រសិនបើ ករណីនេះ ឪពុកបង្កើតរំលោភ កូនស្រីមិនគ្រប់ទឹកមែននោះ វាជាទង្វើដ៏ថោកទាបបំផុតមួយ ហើយច្បាប់មិនត្រូវលើកលែងទោស ឱ្យជនសង្ស័យនោះទេ ៕
 |
| រូបតំណាង |
Via: ភូមិអច្ឆរិយៈ
