ប៉ូលិសព្រហ្មទណ្ឌក្រសួងមហាផ្ទៃឃាត់ខ្លួនលោកឧត្តមសេនីយ៍យោធា ជា តារា
(កោះសន្តិភាព) រាជធានីភ្នំពេញ ៖ បើតាមសេចក្តីរាយការណ៍ពីអ្នកឆ្លើយឆ្លងព័ត៌មានកោះសន្តិភាពបានឱ្យដឹងប៉ុន្មាននាទីមុននេះថា លោកឧត្តមសេនីយ៍យោធា ជា តារា ត្រូវបានប៉ូលិសព្រហ្មទណ្ឌ ក្រសួងមហាផ្ទៃឃាត់ខ្លួន កាលពីវេលាម៉ោង៩និង១០នាទីព្រឹកថ្ងៃទី២៥ មេសា នៅក្នុងភោជនីយដ្ឋានម្លប់ស្វាយ៩៩ ផ្លូវ១៧៣ សង្កាត់ទួលស្វាយព្រៃទី១ ខណ្ឌចំការមន ។
សេចក្តីរាយការណ៍បន្តថា ការឃាត់ខ្លួននេះ គេនៅមិនទាន់ដឹងថាមានជាប់ពាក់ព័ន្ធនឹងករណីអ្វីនោះនៅឡើយទេ ហើយពេលនេះលោកឧត្តមសេនីយ៍យោធា ត្រូវបញ្ជូនទៅសាលាដំបូងរាជធានីភ្នំពេញ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
