skip to main
|
skip to sidebar
ចាញ់បោកប្រុសព្រានឃ្លានតណ្ហា ល្បួងទៅផ្ទះសំណាក់ ជាប់ចោទមានសហាយជាមួយប្តីគេ
ភ្នំពេញ ៖ ស្ត្រីម្នាក់ត្រូវប្តីនាំទៅដាក់ពាក្យប្តឹង នៅនគរបាលប៉ុស្តិ៍ប្ញស្សីកែវ កាលពីវេលាម៉ោង១១ ព្រឹកថ្ងៃទី២២ ខែមេសា ឆ្នាំ២០១៤ បន្ទាប់ពីចាញ់បោកប្រុសព្រាន លួងលោមចូលផ្ទះសំណាក់ប្ញស្សីកែវ ដោយកុហកថា ប្តីរបស់នាងចាំនៅក្នុងផ្ទះសំណាក់ ហើយពេលចេញមកវិញ ត្រូវប្រពន្ធបុរសនោះ វាយដំធ្វើបាបចោទថា លួចសហាយស្មន់ ជាមួយប្តីរបស់គេ បង្កឲ្យមានការភ្ញាក់ផ្អើល កាលពីវេលាម៉ោង ១១យប់ថ្ងៃទី២០ ខែមេសា ។
ស្ត្រីដែលចាញ់បោកគេនោះ ឈ្មោះ យី វណ្ណៈ អាយុ ៣៤ឆ្នាំ មានប្តីឈ្មោះ នួន សារុន ជាអ្នករត់ម៉ូតូឌុប ស្នាក់នៅផ្ទះជួល សង្កាត់គីឡូម៉ែត្រលេខ៦ ខណ្ឌប្ញស្សីកែវ ចំណែកប្រុសព្រានឃ្លានតណ្ហានោះ ត្រូវគេស្គាល់ឈ្មោះ ប៉ោង អាយុ ៣០ឆ្នាំ មានប្រពន្ធស្នាក់នៅផ្ទះក្បែរគ្នា។ ស្ត្រីឈ្មោះ យី វណ្ណៈ បានឱ្យដឹងថា ពេលចូលដល់ផ្ទះសំណាក់ខាងលើ ពុំមានការចាប់រំលោភទេ ព្រោះនាងដឹងខ្លួនទាន់ ក៏ត្រឡប់មកវិញ ស្រាប់តែត្រូវប្រពន្ធបុរសនោះ វាយដំនាង ចោទថាលួចសហាយស្មន់ ជាមួយប្តីរបស់គេទៅវិញ ហើយក្រោយមកប្តីស្ត្រីរងគ្រោះ ដឹងរឿងនេះ ក៏នាំមកប្តឹងប៉ូលិស ប៉ុស្តិ៍ប្ញស្សីកែវ ឲ្យជួយអន្តរាគមន៍តែម្តង៕
ប្រភព៖ ភូមិអច្ឆរិយៈ
