លោក បារ៉ាក់ អូបាម៉ា ដែលមកដល់ប្រទេសកូរ៉េខាងត្បូងពីប្រទេសជប៉ុនក្នុងដំណើរទស្សនកិច្ចនៅអាស៊ីរបស់លោកនេះ នឹងជួបពិភាក្សាជាមួយប្រធានាធិបតីកូរ៉ាខាងត្បូង លោកស្រី ប៉ាក់ គុនអេ។ ជំនួបពិភាក្សារបស់មេដឹកនាំទាំង២នេះនឹងពិភាក្សាអំពីបញ្ហាកូរ៉េខាងជើង បន្ទាប់ពីមានសេចក្តីរាយការណ៍អំពីសកម្មភាពរៀបចំការសាកល្បងនុយក្លែងអ៊ែររបស់កូរ៉េខាងជើងនៅកន្លែងបាញ់សាកល្បងPunggye-ri ។ លោក បារ៉ាក់ អូបាម៉ា ក៏ត្រូវបានរំពឹងផងដែរថានឹងសម្តែងសមានទុក្ខចំពោះមហន្តរាយលិចនាវាចម្លងមួយគ្រឿងដែលបានសម្លាប់មនុស្សជាង៣០០នាក់នៅឯនាយឆ្នេរសមុទ្រនៃប្រទេសកូរ៉េខាងត្បូងកាលពីសប្តាហ៍មុន៕
