តាមបុគ្គលិកនៅរមណីយដ្ឋាន Memoria Palace ឲ្យដឹងថា សប្បុរសជនទាំងពីរ បានជួបបុគ្គលិកពីគម្រោងផ្សេងៗ ដែលទទួលមូលនិធិពីមូលនិធិ Gates ព្រមទាំងមន្រ្តីក្រសួង សុខាភិបាល នៅសណ្ឋាគារ មុននឹងធ្វើដំណើរទៅ ខេត្តសៀមរាប។
លោក Gates ជាស្ថាបនិកបង្កើតក្រុមហ៊ុន Microsoft និងមានតម្លៃខ្លួន ៧៧,៤ ពាន់លានដុល្លារអាមេរិក។ បើយោងតាមទស្សនាវដ្តី Forbes មូលនិធិរបស់លោកចាប់ផ្តើមកាលពី ឆ្នាំ១៩៩៤ តាំងពីនោះមកលោកបរិច្ចាគប្រាក់ជាង ២៨ ពាន់លានដុល្លារដល់គម្រោងផ្សេងៗក្នុងបំណងលើកកម្ពស់សុខភាពនិងកាត់បន្ថយភាពក្រីក្រ។
តាមអង្គការសុខភាពពិភពលោកឲ្យដឹងថា ប្រភេទជំងឺគ្រុនចាញ់ដែលស៊ាំនឹងថ្នាំ artemisinin មានអត្រាប្រេវ៉ាឡង់ខ្ពស់បំផុតនៅតាមបណ្តោយព្រំដែន កម្ពុជា-ថៃ ជាពិសេសនៅ ខេត្តប៉ៃលិន និង ខេត្តបាត់ដំបង។
មូលនិធិ Gates គឺជាម្ចាស់ជំនួយសំខាន់នៃអង្គការមូលនិធិពិភពលោក ដែលបានចែកចាយមុងជ្រលក់ថ្នាំជាង ៤ លានមុងនៅទូទាំង ប្រទេសកម្ពុជា។
មូលនិធិ Gates ពុំអាចទាក់ទងសុំការអត្ថាធិប្បាយអំពីវត្តមានសេដ្ឋីរូបនេះមក ប៉ៃលិន បានទេពីម្សិលមិញ៕ TK
ប្រភព៖ Postkhmer
