បុរសម្នាក់ជិះម៉ូតូទៅបុករថយន្តដឹកកុងតឺន័របត់ចូលស្ថានីយ៏ចាក់សាំងបណ្តាលឱ្យស្លាប់នៅនិងកន្លែង
ខេត្តព្រះសីហនុ ៖ បុរសម្នាក់បានស្លាប់បាននៅនិងកន្លែងកើតហេតុបន្ទាប់ពីបានជួបនៅគ្រោះថ្នាក់ចរាចរណ៏ដោយជិះម៉ូតូទៅបុករថយន្តដឹកកុងតឺន័រ កំពុងបត់ចូលស្ថានីយ៏ចាក់សាំង ។ ហេតុការណ៏នេះកើតឡើងនៅវេលាម៉ោង ៩និង៥០នាទី យប់ថ្ងៃទី២២មេសា ២០១៤ ស្ថិតនៅក្នុងសង្កាត់លេខ៣ ក្រុងព្រះសីហនុ ។
ទាក់ទងនិងគ្រោះថ្នាក់ចរាចរណ៏នេះគេពុំបានដឹងពីរឿងហេតុពិតប្រាកដ ឡើយដោយសារតែពុំមានអ្នកឃើញហេតុការណ៏ភ្លាមៗ។
ដោយយោងតាមការពិនិត្យកន្លែងកើតហេតុគេបានសន្និដ្ឋានថា រថយន្តបើកបញ្រ្ចាសទិសគ្នាជាមួយម៉ុតូ ហើយរថយន្តដឹកកុងតឺន័របត់ចូលស្ថានីយ៏ចាក់សាំងដោយសាងងឹតម៉ូតូមើលអត់ឃើញបើកបុករថយន្តកុងតឺន័រពេញទំហឹងបណ្តាលបុរសជិះម៉ូតូស្លាប់នៅនិងកន្លែងតែម្តង ។
