បុរសទុរគតម្នាក់ដេកស្លាប់ក្នុងដីចម្ការនៅក្រុងកំពង់ចាម
រាជធានីភ្នំពេញ ៖ បុរសទុរគតម្នាក់ ត្រូវប្រជាពលរដ្ឋប្រទះឃើញដេកស្លាប់នៅក្នុងដីចម្ការមួយកន្លែង ទល់មុខហ្គោលក្លឹប ស្ថិតក្នុងភូមិបឹងស្នាយ សង្កាត់សំបួរមាស ក្រុងកំពង់ចាម កាលពីវេលាម៉ោង៣និង៣០នាទីរសៀលថ្ងៃទី២៤ មេសា ។
បើតាមសេចក្តីរាយការណ៍បានឱ្យដឹងថា បុរសទុរគតខាងលើមិនទាន់ត្រូវបានគេស្គាល់ឈ្មោះនៅឡើយ អាយុជាង៤០ឆ្នាំ ហើយប្រភពខ្លះថា ជនរងគ្រោះមានកូនស្នាក់នៅម្តុំផ្សារដើមគ រាជធានីភ្នំពេញ ។
បច្ចុប្បន្ន សពត្រូវសមត្ថកិច្ចយកទៅតម្កល់នៅវត្តដីដុះ រង់ចាំសាច់ញាតិក្រុមគ្រួសារមកទទួលយកធ្វើបុណ្យតាមប្រពៃណី ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ប្រភព៖ កោះសន្តិភាព
