បើទោះជាទទួលបានឱកាសច្រើនយ៉ាងនេះក៏ដោយ តារាវ័យ ៣៧ឆ្នាំរូបនេះមិនទាន់ឯកភាពទទួលយកសំណើទាំងអស់នៅឡើយទេ ដោយនាងសុំសាកប្រើផលិតផលសិនមុននឹងសម្រេចចុះកិច្ចសន្យា។ ទស្សនិកជនក៏កំពុងតែមានការងឿងឆ្ងល់ផងដែរអំពីសញ្ជាតិកូនស្រីរបស់នាង។ ស្របពេលទស្សនិកជនភាគច្រើនគិតថាកូនស្រីម្នាក់នេះនឹងមានសញ្ជាតិតៃវ៉ាន់ដូចជាម្ដាយរបស់នាង ប្រជាជនចិនមួយចំនួនទៀតគិតថានាងគួរតែមានសញ្ជាតិចិនដូចជាឪពុករបស់នាង ដែលជាអ្នកជំនួញWang Xiaofei វិញ។ Barbie មិនទាន់សម្រេចអំពីបញ្ហានេះនៅឡើយទេ ដោយនាងនិយាយថា “អ្នកគ្រប់គ្នាក្នុងគ្រួសារកំពុងតែស្ថិតក្នុងបរិយាកាសរីករាយទាំងអស់គ្នា។ យើងនឹងរង់ចាំពេលវេលាសមរម្យមួយដើម្បីពិភាក្សាជាមួយចាស់ៗមុននឹងធ្វើការសម្រេចចិត្ត” ៕
