ខេត្តព្រះវិហារ ៖ បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សំដីមន្រ្តីយោធាដែលឈរជើងទិសបា្រសាទព្រះវិហារឲ្យដឹងថា ស្ថានការណ៏នៅតាមព្រំដែនបា្រសាទព្រះវិហារ បានផ្តើមឡើងកម្តៅជាថ្មីចាប់តំាងពីថ្ងៃទី២៦ មេសា ២០១៤មក ដោយសារភាគីថៃបានបង្កើនកងកម្លំាងយោធាជាច្រើនរយនាក់ នៅខាងលិចភ្នំបា្រសាទព្រះវិហារ ត្រង់ចំណុចតាស៊ឹម ចាក់ច្រែង និង ចំណុចព្រះវិហារគោល៨ ។
លោកនាយកឧត្តមសនីយ៏ផ្កាយមាស៤ ជា តារា អគ្គមេបញ្ជាការរងនៃកងយោធពលខេមរភូមិន្ទ និងជាប្រធានគណៈបញ្ជាការឯកភាពសមរភូមិទិសយោធភូមិភាគ៤ កោះសន្តិភាពមិនអាចទាក់ទងតាមទូរស័ព្ទ ដើម្បីសុំសេចក្តីអត្ថាធិប្បាយបាននៅឡើយទេនៅរសៀលថ្ងៃទី០១ ឧសភា ២០១៤នេះ ។
យ៉ាងណាក៏ដោយ ស្ថានភាពយោធានៅព្រំដែនប្រាសាទព្រះវិហារគិតត្រឹមម៉ោង៥និង២០នាទីល្ងាចថ្ងៃទីព្រហស្បតិ៍នេះ មានសភាពស្ងប់ស្ងាត់ជាធម្មតា តែកងកម្លំាងទំាងពីរបានត្រៀមរៀងៗខ្លួន ។
សេចក្តីរាយការណ៏បានបន្តថា ភាពស្ងប់ស្ងាត់នេះ បានកើតឡើងបន្ទាប់ពីលោកនាយកឧត្តមសេនីយ៏ ស្រី ឌឹក មេបញ្ជាការប្រចំាទិសបា្រសាទព្រះវិហារបានជួបចរចាជាមួយមេបញ្ជាការកងទ័ពភូមិន្ទថៃ កាលពីថ្ងៃទី៣០មេសាម្សិលមិញ និង ក្រោយមកភាគីថៃ បានដកថយចម្ងាយប្រមាណ១០០ម៉ែត្រពីទីតំាងឈរជើងនោះរួចមក ៕(កោះសន្តិភាព)
